الموضوع ده بيتكرر كل تلات شهور (ترم اول)(ترم تانى).
تلاقى قبل الامتحانات بتلات أسابيع ولا اسبوعين المدرسين يقولوا محدش يجى المدرسه واللى هايجيجى هعملوا امتحان شفوى والكلام ده حصل معايا السنه دى.
ويجى المدرس من دول يقولك تيجى كل يوم الساعه عشره مثلا علشان مراجعات.
ولما يدخل المدير المدرس يقول دى حصه عاديه يا باشا والمدير يتخانق معاه علشان المدير حس ان دى حاجه زى درس او مراجعه ........يسميها زى ميحب المهم ان دى مش حصه مدرسيه المهم بعد اللى يحصل المدرس يقولك الحصه خلصت وطبعا كل مدرس على هذا المنوال وفى الآخر المدرس بيجسب الحصه عليك ومتعرفش تتكلم معاه ولا حتى تفتح بؤك وده طبعا علشان 50%من أعمال السنه فى ايده والكلام ده ماشى على سنه أولى وتانيه اعداى و هيكون حوالى30%من أعمال السنه فى تالته اعداى مع المدرس .
دى بس كانت مقدمه خفيفه بس تفتح النفس على اللى جاى.
انا كنت بتكلم على الامتحانات واللى بيحصل جوا اللحنه................ نبدا بقه الكلالالالالالالالالام:
اول يوم طبعا اول ما تصحى ........تصحى على صوت ميين.........على صوت مامى أو ماما على حسب.
ماما تقولك يلا اصحى علشان الامتحان انت تسمع كلمه الامتحان من هنا وتقوم مفزوع وتقول يا لهوى ربنا يستر.
تقوم تغسل وشك الأول.
تلبس هدومك وتاخد حاجتك اللى انت كنت بتحضرها طول الليل ومكنتش عارف تنام من الخوف من الامتحان مع انك كنت مذاكر كويس جدا.
اول متنزل تلاقى دوشه جامده جدا فى الشارع وتروح مسافه علشان تركب تلاقى الدنيا زحمه اكتر من فرنه العيش والجمعيات .
تقوم تاخدها مشى او تتخانق علشان تركب على الصبح( انا عن نفسى مبحبش الخناق فبخدها مشى).
تروح المدرسه تلاقى الناس ماشيه وهم خايفين على ولادهم مع انهم امتحنوا حوالى ست سنين قبل كده .
تقوم انت تقلق وتدعى ربنا يارب اكرمنى يارب.
والغريب ان ممكن تلاقى واحد زى مبيقولوا مركعهاش ولا صلهاش عمال بيدعى ربنا ويقول يارب يارب وميكونش مذاكر خااااالص او مذاكر ومصلاش .
المهم يعنى يوقفوك بره المدرسه لحد ماييجى معاد الامتحان او قبلها بخمس دقائق.
تدخل يطلعوا كل واحد على لجنته وتدخل اللجنه.
وتسلم على اللى تعرفهم واللى متعرفهمش ويدخل المدرس الساعه اللى متحدده بظبط وتقول ياسبحان الله.
واللى يضايق ان الورق بتاع الاجابات يجى بعد ربع ساعه من الوقت بتاع الامتحان و ورق الاسئله يجى بعد ربع ساعه برده (كده يبقى ضاعت نص ساعه من الامتحان).
ولما يجى يلموا الورق لما الورق قبل مينتهى الوقت بربع ساعه.
لما المدرس يدخل يفضل يقولك قال الله وقال الرسول عن الغش تقوم الناس الشاطره تفرح والناس اللى مش شاطره تحزن.
يبدأ الامتحان المدرس يقعد حوالى نص ساعه شادد اللجنه وبعد كده (يقعد المراقب يقول)(غش ياباب غش يا حبيبى)مع ان فيها شويه مبالغه بس بتحصل والله .
زى مثلا المدرس بيلم الورق ومستعجل وفى واحد مخلصش الامتحان يقوم يقول واحد غشش الواد ده علشان نخلص.
ويعينى على البرشام اللى بيطلع ...............ياسلالالالالالالالالالالالام.
(انا كتبت فى قسم الشعر عن الموضوع ده).
اجمل حاجه فيهم ان الواحد بيفكر وبيبدع فى عمل البرشام مثلا:
1_برشام فى الحزام
2_برشام فى ورقه الامتحان نفسها ....ازااااااى انا اقولوكم :المدرس اول مابيديلوا الورقه بتاعت الاجوبه ويدور وشه يقوم الناصح يحط البرشام فى ورقه الاجوبه وبكده محدش هيقدر يشك فيه واللى جمبه ميقدرش يتكلم لأن هو كمان بيغش زيه.
3_برشام عن طريق استئذان المراقب.
4_برشام فى الشراب.
5_برشام مستخبى فى الارض والمراقب مش شايفه.
وفى طرق كتيييييييييييره جدا بس كفايه كده من طرق البرشام .
وفى الآخر أهو كام امتحان وبيعدوا على اللى بيغشوا كأنه جبل.
__________________________________________________________________________________
يارييييييييييييييييييت يارييييييييييييييييت اللى موافقنى على الوضوع ده يقول ويرد على الموضوع.
__________________________________________________________________________________