منتديات ثقافية
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
المواضيع الأخيرة
» لعضلة الخلفية تبعد جدو عن الاهلي اسبوعين
الخميس فبراير 24, 2011 11:58 pm من طرف bebo

» خواندي راموس : الريال و البارسا يتفوقان علي فرق الليجا بسنوات ضوئية
الإثنين فبراير 21, 2011 10:07 pm من طرف bebo

» كريم بنزيمة :سنفوز في مباراة ليون
الإثنين فبراير 21, 2011 10:03 pm من طرف bebo

» ارسن فينج :لن أكون غبيا وأشرك نصري في مباراة الأياب امام برشلونة
الإثنين فبراير 21, 2011 10:01 pm من طرف bebo

» كريستيانو :الفريق أهم من أحرازي الهدف
الإثنين فبراير 21, 2011 9:58 pm من طرف bebo

» باتريك أيفرا يجدد عقدة مع المان يونايتد الي عام 2014
الإثنين فبراير 21, 2011 9:56 pm من طرف bebo

» كريستيانو:مورينيو ساعد في تهدئة الأنتقاضات الموجهة لي
الإثنين فبراير 21, 2011 9:54 pm من طرف bebo

» جوارديولا:برشلونة يجد صعوبة كالتي تلاقي روجية فيدرير
الإثنين فبراير 21, 2011 9:51 pm من طرف bebo

» مفاجأة..؟ لأول مرة في منتديات الأسياد تاريخ زين الدين زيدان الأسطورة العربية
الإثنين فبراير 21, 2011 9:03 am من طرف bebo

» أرسن فينجر: برشلونة ما زال أقرب الأقرب للتأهل للربع النهائي
الإثنين فبراير 21, 2011 8:51 am من طرف bebo

أفضل 10 أعضاء في هذا المنتدى
نور البيان - 444
 
MOSTAFA BODO - 170
 
audiasyad - 156
 
doha - 115
 
vanhelsing - 100
 
super man - 64
 
soka - 47
 
esr2a - 47
 
bebo - 36
 
wolfman - 7
 
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط .elasyad على موقع حفض الصفحات
بحـث
 
 

نتائج البحث
 
Rechercher بحث متقدم

شاطر | 
 

 خايف أموت من غير ما اشوف تغيير الوشوش( عبد الرحمن الأبنودي)انتظروا المزيد

اذهب الى الأسفل 
كاتب الموضوعرسالة
MOSTAFA BODO

avatar

عدد المساهمات : 170
تاريخ التسجيل : 24/04/2010
العمر : 22
الموقع : ELASYAD.YOO7.COM

مُساهمةموضوع: خايف أموت من غير ما اشوف تغيير الوشوش( عبد الرحمن الأبنودي)انتظروا المزيد   السبت مايو 22, 2010 8:11 pm


خرج الشتا وهلِّت روايح الصيف*

والسجن دلوقتى يرد الكيف!!

مانتيش غريبة يا بلدي ومانيش ضيف

لو كان بتفهمي الأصول

لتوقفى سير الشموس..

وتعطلي الفصول.

وتنشفي النيل في الضفاف السود

وتدودى العنقود

وتطرشي الرغيف!!

ما عدتي متمتعة وانتى في ناب الغول

بتندغي الذلة وتجتري الخمول

وتئني تحت الحمول

وتزيفي في القول

وبأي صورة ماعادش شكلك ظريف

***

دوس يا دواس

ما عليك من باس

واكتم كل الأنفاس.

الضهر مليئ بالناس

إللى حبيتهم دون ما يبادلوني

الإحساس.

وأنا عارف إني ما باملكهمش

لأني ما مضيتهمشي في الكراس!!

الناس اللي دمغها الباطل دمغ

اللي بتنضح كدب وتطفح صمغ

اللى بتحشش

وما بتحسس

واللي بتضحك كل ما تنداس!!

***

الجامعة طالعة رايتها ضلتها

هدارة

جبارة

صادقة في نيتها..

بتتجه..

يم الوطن والموت.

و"شبرا" زاحفة تأكد التهديد

وتجمع التبديد

وصلت ميدان الفجر..

في المواعيد…!!

النهر.. والضفة.

نبت هلال العيد

ومالت الكفة

وصحيت الرجفة.

مصر اللي لا لحظة ولا صدفة.

ثورة ف ضمير النور.. بتتكون.

رايات.

بدم البسطا..تتلون..

سدوا الطريق..

كيف المؤامرة تموت!؟

"فلتسقط الخيانة

والقيادات الجبانة

ندّاغة الإهانة

كريهة الريحة

كريهة الصوت!!"

***

الغضب..

بيوالي إنشاد البيان

والوجوه الصامدة في وش الزمان.

والرحابة..

في الصدور..وفي الليمان..!!

غابت الأسر الصغيرة في الوطن

. استوى ع الأرض وعي.

صحيت الأمة ف هدير السعي.

الوطن.. مفهوم

وحلو

ويتحضن..!!

***

التفت صاحبى يقوللي:

"لسه نايم..؟

مش مظاهرات..

دي حاجات يفهمها شعبك.

إقفل العقل القديم..

وافهم بقلبك.

رقصة الزار القديمة..

الفرعونية

ع الخصيبة السندسية..

لما يجتاحها الألم!!.

لما تغمرها الإهانة..

والقدم..

تسحق الإنسان..

وتدهس القيم!!"

ابتسمت..!!

رقصة الزار القديمة

الحميمة

العظيمة.. لحد فكرناها ثورة

فرق بين رقصة.. وثورة!!.

لا هيَّ جاية فوق حصان

ولا في لحظة زمان

حتهب نابتة في الغيطان

ولا رقصة

برجل حافية

ف مهرجان!!.

دكهه هادية.

تيجي هادية.. وصوتها دامي

تعزل الكداب..

وتقبض ع الحرامى!!.

تعرف الناس..مش كتل

تعرف الناس..

بالوجوه..وبالأسامى.!!

تيجى..فاتحة القبر

نادغة الصبر

قابضة الجمر

تنصب محاكم الشعوب في كل قصر

تغير العصر..

إلى آخر الصفحات في سفر الثورة!!.

ابتسم صاحبي وقاللي:

"حاذر م الارتفاع

سيبك م الاندفاع

حفر حكومتك وساع!!"

ابتسمت

جفت الرقصة الحبيسة

عادت الأمة التعيسة

اختفى كل اللى كان!!

اختفى كل البشر

واختفى كل المكان

تحت سنوات الهوان.!!

***

تتعسني فكرة إني هموت

قبل ما اشوف- لو حتى دقيقة-

رجوع الدم لكل حقيقة..

وموت الموت..!!

قبل ما تصحى..

كل الكتب اللى قريت

والمدن اللي ف أحلامى رأيت

والأحلام اللي بنيت

والشهدا اللي هويت

والجيل اللي هدانى

والجيل اللي هديت..!!

قبل ما أملس ع الآتي

وادفن كل بشاعة الماضي

في بيت.!!

***

حاقولها بالمكشوف:

خايف أموت من غير ما اشوف

تغير الظروف.

تغير الوشوش..

وتغير الصنوف!!.

والمحدوفين ورا

متبسمين في أول الصفوف.

خايف أموت وتموت معايا الفكرة

لا ينتصر كل اللي حبيته..

ولا يتهزم كل اللى كنت أكره..

اتخيلوا الحسرة!!.

***

مأساتنا.. إن الخونة.. بيموتوا

بدون عقاب ولا قصاص..!!

مأساتنا

إن الخونة بيموتوا.. وخلاص.

بدون مشانق في الساحات..

ولا رصاص!!.

على كل حال..

صدقي مازال!!.

صدقي على قيد الحياة

بيفجر الدم النبيل

ويبطش بالاستقلال

ويمرغ الجباه

تحت الجزم والخيل

ويفتح الكوبري علينا

كل صبح وليل.!!

والإنجليز..

مازالوا بيقهقهوا

ويضربوا.. ويسجنوا الشباب

على كوبري عباس..

أو

في "معرض الكتاب!!".
__________________________
مع تحيات MOSTAFA BODO
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خايف أموت من غير ما اشوف تغيير الوشوش( عبد الرحمن الأبنودي)انتظروا المزيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.elasyad :: الثقافة والابداعات :: الشعر والادب-
انتقل الى: